خود کار ڈرافٹ 112

قبض سے نجات، شہری 20 انچ لمبی زندہ مچھلی نگل گیا

بیجنگ: خودساختہ قبض کا علاج چینی شہری کو مہنگا پڑگیا، ڈاکٹروں نے آپریشن کرکے شہری کے پیٹ سے زندہ مچھلیاں نکال لیں۔

تفصیلات کے مطابق چینی شہر ژیانجو سے تعلق رکھنے والے شخص نے اپنے قبض کا علان خود سے کرنا چاہا تو اسے لینے کے دینے پڑگئے۔ احمق شہری علاج کی غرض سے زندہ مچھلیاں نگل گیا۔

غیرملکی خبررساں ادارے کے مطابق 51 سالہ شخص کی شناخت ظاہر نہیں کی البتہ اس نے دو زندہ بام مچھلیاں حلق سے پیٹ میں اتار لیا تھا، آپریشن کے بعد بھی مچھلیاں زندہ نکلیں۔ شہری کا کہنا تھا کہ اس نے قبض کا اس طرح علاج کا طریقہ سیکھا تھا۔

ڈاکٹروں کا کہنا تھا کہ مچھلیاں کھانے کے بعد متاثرہ شخص کے پیٹ میں شدید درد اٹھا، مریض کے مطابق اسے ایسا لگ رہا تھا جیسے کوئی آنتوں کو کاٹ رہا ہے۔ بعد ازاں فوری طور پر شہری کو اسپتال لاگیا اور آپریشن ہوا۔

وائرل ہونے والی ویڈیو میں دیکھا جاسکتا ہے سانپ کی طرح دکھنے والی بام مچھلیاں مریض کے پیٹ سے نکالی گئیں۔ ڈاکٹروں کا کہنا ہے کہ ان میں سے ایک کی لمبائی تقریباً 20 انچ جبکہ دوسری اس سے تھوڑی چھوٹی ہے۔

مچھلیوں کے پیٹ میں رہنے کے باعث شہری کے انتوں کا پانی اور خون آپس میں مل گیا تھا جس سے شہری کے جان کو بھی خطرہ تھا۔ تاہم آپریشن کے بعد شہری اب بھی زیرعلاج ہے۔

اس خبر پر اپنی رائے کا اظہار کریں

اپنا تبصرہ بھیجیں