ملاوٹ کرنے والے عوام کی زندگیوں سےکھیل رہے ہیں، وزیراعظم 100

ملاوٹ کرنے والے عوام کی زندگیوں سےکھیل رہے ہیں، وزیراعظم

اسلام آباد: وزیراعظم عمران خان کا کہنا ہے کہ ملاوٹ کرنے والے عوام کی زندگیوں سےکھیل رہے ہیں، دودھ،گوشت،دالوں جیسی اشیا میں ملاوٹ قبول نہیں ہے۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت مہنگائی،قیمتوں میں کمی سے متعلق اجلاس ہوا جس میں وزیراعظم نے ملاوٹ مافیا کے خلاف ایمرجنسی نافذ کرنے کی ہدایت کی ہے۔

وزیراعظم پاکستان ملاوٹ مافیا کے خلاف نیشنل ایکشن پلان ایک ہفتے میں ترتیب دینے کی ہدایت کرتے ہوئے کہا کہ ملاوٹ کرنے والے عوام کی زندگیوں سے کھیل رہے ہیں۔

انہوں نے کہاکہ بچوں کی صحت سے کھیلنے کی اجازت کسی صورت نہیں دی جاسکتی، دودھ،گوشت،دالوں جیسی اشیا میں ملاوٹ قبول نہیں، ملاوٹ کی وجہ سے متعدد بیماریاں پیدا ہوتی ہیں، ملاوٹ شدہ اشیا کے استعمال سے بچوں کی نشوونما متاثر ہوتی ہے۔

وزیراعظم عمران خان کا کہنا تھا کہ ملاوٹ مافیا کے خلاف قومی سطح پر ایمرجنسی کا نفاذ کر کے تدارک کیا جائے، ملاوٹ مافیا کے خلاف مؤثر حکمت عملی اور ٹائم لائنز پر مبنی روڈ میپ ترتیب دیں۔

یاد رہے کہ گزشتہ روز وزیراعظم عمران خان کا کہنا تھا کہ نوجوان تنخواہ اور پنشن والی سرکاری نوکری کے پیچھے نہ بھاگیں، ایسی نوکری کا مطلب اپنی صلاحیتوں کو تباہ کرنا ہے۔

اس خبر پر اپنی رائے کا اظہار کریں

اپنا تبصرہ بھیجیں