کورونا سے بچاؤ کے لیے پشاور پولیس نے حفاظتی سوٹ تیار کرلیے 117

کورونا سے بچاؤ کے لیے پشاور پولیس نے حفاظتی سوٹ تیار کرلیے

پشاور پولیس نے کورونا سے بچاؤ کے لیے چائنہ طرز کے حفاظتی سوٹ تیار کرلیے ہیں۔

کورونا وائرس تیزی سے پھیل رہا ہے تاہم پشاور پولیس نے اس سے بچاؤ کے لیے چائنہ طرز کے حفاظتی سوٹ تیار کرلیے ہیں، سوٹ سر، پاؤں، ہاتھوں سمیت پورے جسم کو وائرس سے محفوظ کرنے کے لیے استعمال ہوں گے۔

پہلے مرحلے میں 100سوٹ تیار کیے گئے ہیں جو زائرین کی سکیورٹی پر معمور اہلکار استعمال کریں گے جب کہ ضلع بھر کے قرنطینہ سینٹرز میں ڈیوٹی پر موجود اہلکاروں کے لیے بھی 400 سوٹ تیار کیے جائیں گے۔ خصوصی پروٹیکشن سوٹ، پولیس لائن کے انٹری پوائنٹس، لاک ڈاؤن والے علاقوں، مخصوص چیک پوائنٹس پر موجود اہلکاروں کو دیے جائیں گے۔

اس خبر پر اپنی رائے کا اظہار کریں

اپنا تبصرہ بھیجیں