وفاقی حکومت کا احساس ایمرجنسی کیش پروگرام جاری رکھنے کا فیصلہ 984

وفاقی حکومت کا احساس ایمرجنسی کیش پروگرام جاری رکھنے کا فیصلہ

اسلام آباد: وفاقی حکومت نے کورونا سے متاثرہ نادار اور دیہاڑی دار طبقہ کی مالی معاونت کیلئے شروع کردہ احساس ایمرجنسی کیش پروگرام کو جاری رکھنے کا اصولی فیصلہ کرلیا۔

وفاقی کابینہ اجلاس میں وزیراعظم نے وزارت خزانہ و وزارت سماجی تحفظ کو پروگرام کے اگلے مرحلے کو حتمی شکل دینے کی باضابطہ ہدایت جاری کردی۔

وزیراعظم کی ہدایت پر وزارت سماجی تحفظ نے تجاویز کی تیاری شروع کردی، ایک ہفتے کے اندر تجاویز وزارت خزانہ کو ارسال کیے جانے کا امکان ہے۔

وزارت سماجی تحفظ و تخفیف غربت کے زرائع کا کہنا ہے کہ کابینہ کی ہدایات کی روشنی میں ابھی اس پر غور جاری ہے کہ احساس پروگرام کے پہلے مرحلے میں شامل تمام 1کروڑ 69 لاکھ مستحقین کو دوسرے مرحلے میں برقرار رکھا جائے یا نہیں؟ دوسرے مرحلے میں 12 ہزار روپے دیے جائے یا امدادی رقم کم کی جائے۔

ذرائع کا کہنا ہے کہ اس کے علاوہ ان مستحقین کو رقوم کی ادائیگی کے طریقہ کار پر بھی غور ہورہا ہے۔ پہلے مرحلے میں اسکولوں میں رقوم کی ادائیگی کا بندوبست کیا گیا تھا تاہم اب سکول کھلنے سے یہ سہولت ختم ہوجائے گی۔

واضح رہے کہ پہلے مرحلے کیلئے 203 ارب روپے مختص کئے گئے تھے۔

اس خبر پر اپنی رائے کا اظہار کریں

اپنا تبصرہ بھیجیں