وفاقی وزیر فواد چوہدری نے واٹس ایپ کی جانب سے پالیسی میں توسیع کے فیصلے کو درست قرار دیا ہے۔
سماجی رابطے کی ویب سائٹ فیس بک کی ذیلی کمپنی ’’واٹس ایپ‘‘ نے اپنی نئی پالیسی میں تبدیلی سے متعلق فیصلہ موخر کردیا تھا، واٹس ایپ نے صارفین کی جانب سے شدید تنقید سامنے آنے کے بعد سماجی رابطے کی ویب سائٹ فیس بک کے ساتھ ڈیٹا شیئر کرنے سے متعلق پالیسی میں تبدیلی کی ڈیڈ لائن آگے بڑھائی تھی۔
دنیا بھر سے صارفین کی بڑی تعداد واٹس ایپ چھوڑ کر سگنل اور ٹیلی گرام پر منتقل ہونا شروع ہوگئی تھی اور واٹس کو اپنی نئی پالیسی سے متعلق شدید تنقید کا سامنا بھی کرنا پڑا جس کے باعث واٹس نے ایپ نے فوری طور پر یہ فیصلہ موخر کرتے ہوئے فیس بک سے صارفین کا ڈیٹا شیئر کرنے کی تاریخ 8 فروری سے بڑھا کر اب 15 مئی کردی ہے۔
Whatsapp decision to delay the change of privacy policy is certainly a positive step,companies like facebook effect too many people and it’s important that in critical decision making involve wider section of consumers and Data protection must be ensured at all times #WhatsApp
— Ch Fawad Hussain (@fawadchaudhry) January 16, 2021
وفاقی وزیربرائے سائنس اینڈ ٹیکنالوجی فواد چوہدری نے فیصلے کو درست قرار دیتے ہوئے کہا کہ فیس بک جیسی کمپنیاں بہت بڑی آبادی کو متاثر کرتی ہیں لہذاٰ ڈیٹا کی سیکیورٹی جیسے فیصلے صارفین کے علم میں ہونا بہت ضروری ہے اور لوگوں کی پرائیوسی کو تحفظ فراہم کرنا یقینی ہونا چاہیے۔
واضح رہے واٹس ایپ نے اعلان کیا تھا کہ وہ اپنے تمام صارفین کا ڈیٹا جس میں موبائل کی تمام معلومات سمیت لوکیشن بھی شامل ہے، فیس بک اور انسٹاگرام اور مسینجر جیسی دیگر ذیلی کمپنیوں کو فراہم کرے گی۔ واٹس ایپ کے اس اعلان کے بعد دنیا بھر سے صارفین پیغام رسانی کے متبادل ایپس پر منتقل ہونا شروع ہوگئے تھے جس میں سگنل اور ٹیلی گرام سرفہرست ہیں۔
