1

عدالتی رپورٹنگ پر پابندی کیخلاف درخواست فوری سماعت کے لیے منظور

عدالتی رپورٹنگ کی لائیو کوریج پر پابندی آئین کی دفعات کی خلاف ورزی ہے، درخواست گزار:فوٹو:فائل

عدالتی رپورٹنگ کی لائیو کوریج پر پابندی آئین کی دفعات کی خلاف ورزی ہے، درخواست گزار:فوٹو:فائل

  کراچی:سندھ ہائی کورٹ نے عدالتی رپورٹنگ کے خلاف درخواست فوری سماعت کے لیے منظور کرلی۔

کراچی کے کورٹ رپورٹرز نے عدالتی کارروائی کی رپورٹنگ پر پابندی کا نوٹیفکیشن سندھ ہائی کورٹ میں چینلج کردیا۔ چیف جسٹس سندھ ہائی کورٹ نے درخواست فوری سماعت کے لیے منظور کرلی۔

کورٹ رپورٹرز کی جانب سے دائر درخواست میں پیمرا ، وزارت اطلاعات و براڈ کاسٹ اور دیگر کو فریق بنایا گیا ہے۔ درخواست میں موقف اختیار کیا گیا ہے کہ پیمرا نے عدالتی کارروائی کی رپورٹنگ پر پابندی کا نوٹیفکیشن 21 مئی کو جاری کیا۔ پیمرا قواعد عدالت کی براہ راست رپورٹنگ کی اجازت دیتے ہیں۔

درخواست کے مطابق عدالتی رپورٹنگ پر پابندی عائد کرنے سے پہلے اتھارٹی کا اجلاس طلب نہیں کیا گیا گیا۔ پیمرا قوانین کے تحت پابندی سے قبل کورٹ رپورٹرز کا موقف نہیں سنا گیا۔ کورٹ رپورٹنگ پر پابندی آئین کے آرٹیکل 8,9,10،18,19 اور 25 کی خلاف ورزی ہے۔ عدالت نے درخواست فوری سماعت کے لیے منظور کرلی





Source link

اس خبر پر اپنی رائے کا اظہار کریں

اپنا تبصرہ بھیجیں