1

انسانی اسمگلنگ کا شبہ، بھارت سے آنے والے طیارے کو فرانس میں روک لیا گیا

طیارے کے مسافروں سے متعلق تفتیش جاری ہے:فوٹو:فائل

طیارے کے مسافروں سے متعلق تفتیش جاری ہے:فوٹو:فائل

پیرس:بھارت سے براستہ دبئی فرانس پہنچنے والے طیارے کو ائیرپورٹ پر روک لیا گیا۔

برطانوی نشریاتی ادارے کے مطابق دبئی سے وسطی امریکا کے ملک نکاراگوا جانے والے طیارے کو فرانسیسی ائیرپورٹ پر روک کر 2 افراد کو گرفتار کرلیا گیا۔ طیارہ ایندھن بھروانے کے لیے فرانس کے ائیرپورٹ پر اترا تھا۔

فرانسیسی حکام کے مطابق دبئی سے فرانس کے وتری ائیرپورٹ پر لینڈ کرنے والے طیارے میں 300 سے زائد مسافر سوار تھے جن میں سے اکثریت کا تعلق بھارت سے ہے۔بھارتی طیارے کے مسافروں کو عارضی کیمپ میں رکھا گیا  ہے۔ فرانس میں بھارتی سفارت خانے نے طیارہ روکے جانے کی تصدیق کردی ہے۔

فرانس کی سیکورٹی ایجنسیاں طیارے کے مسافروں سے متعلق تفتیش کررہے ہیں۔ وتری ائیرپورٹ دارالحکومت پیرس سے 160 کلومیٹر دور ہے۔ چارٹرڈ طیارہ رومانیہ کی ائیرلائن کا ہے۔





Source link

اس خبر پر اپنی رائے کا اظہار کریں

اپنا تبصرہ بھیجیں