کتاب میں بالی وڈ سفر کے کئی راز موجود ہوں گے
اپنی پہلی فلم سے آخری ہٹ فلم کا تذکرہ شامل ہوگا
ممبئی (نیٹ نیوز) بالی ووڈ اداکارہ کترینہ کیف جنہیں باربی ڈول بھی کہا جاتا رہا ہے ہندی سنیما میں گزارے اپنے وقت پر کتاب لکھ رہی ہیں جس کے نام کا اعلان بھی کردیا گیا ہے۔ کترینہ کیف کی سوانح حیات پر مبنی کتاب کا نام باربی ڈریمز رکھا گیا ہے، جس میں ان کے اب تک کے بالی ووڈ سفر کے کئی راز موجود ہوں گے۔ اس کتاب میں کترینہ کیف اپنے کیریئر کی پہلی فلم بوم سے لے کر آخری ہٹ فلم ٹائیگر زندہ ہے تک بات کریں گی۔ وہ ایک عام اداکارہ سے بالی ووڈ کی سپر اسٹار کیسے بنیں اور انڈسٹری میں کسی سے تعلق نہ ہونے کے باوجود انہوں نے یہ مقام کیسے حاصل کیا ان باتوں کا ذکر بھی اس کتاب میں کیا جائے گا۔ اداکارہ کے قریبی ذرائع نے بتایا کہ جب کترینہ سے اپنی سوانح حیات لکھنے کے حوالے سے رابطہ کیا گیا تو شروع میں انہیں ایسا محسوس ہوا کہ ابھی اسے تحریر کرنا ان کے کیریئر میں کافی جلدی ہوگا، لیکن انہیں بہت منانے کے بعد آخرکار اداکارہ نے حامی دے دی۔
