قائد اعظم ٹرافی میں قومی ٹیم کے سابق کپتان سرفراز احمد نے ڈبل سنچری بنا کر ریکارڈ توڑ دیا۔
پاکستان کے وکٹ کیپر بلے باز، سرفراز احمد نے اپنی بھرپور فارم کو جاری رکھتے ہوئے لاہور کے قذافی اسٹیڈیم میں قائداعظم ٹرافی 2023-24 کے دوران لاہور وائٹس کے خلاف ڈبل سنچری بنا کر ریکارڈ توڑ دیا۔
کراچی وائٹس کے کپتان نے فرسٹ کلاس کرکٹ میں اپنی دوسری ڈبل سنچری مکمل کی۔ انہوں نے اپنی 16ویں فرسٹ کلاس سنچری اور موجودہ قائد اعظم ٹرافی سیزن میں اپنی دوسری سنچری بنائی۔
https://x.com/TheRealPCB/status/1708450092431315416?s=20
یہ ایک تاریخی موقع ہے کہ ایک ہی اننگز میں خرم منظور، اسد شفیق، عماد عالم، رمیز عزیز اور سرفراز سمیت پانچ مختلف بلے بازوں نے سنچریاں بنائیں۔
اس کامیابی نے پاکستانی کرکٹ میں ایک نیا ڈومیسٹک ریکارڈ قائم کیا، یہ ملک کی ڈومیسٹک کرکٹ کی تاریخ کا پہلا واقعہ ہے جہاں ایک ہی اننگز میں پانچ سنچریاں اسکور کی گئیں جب کہ عالمی سطح پر ایف سی کرکٹ میں ایسا پانچ بار ہوا ہے۔
