آئی سی سی کرکٹ ورلڈ کپ میں افغانستان کے خلاف میچ سے قبل آسٹریلوی ٹیم کو دھچکا لگ گیا۔
آئی سی سی کرکٹ ورلڈ کپ میں افغانستان کے خلاف میچ سے قبل آسٹریلوی تجربہ کار بیٹر اسٹیو اسمتھ کی طبیعت ناساز ہوگئی ہے۔
کرکٹ آسٹریلیا کی جانب سے جاری بیان کے مطابق اسٹیو اسمتھ کو گزشتہ چند دنوں سےچکر آ رہے ہیں، اس سے قبل بھی اسمتھ کو کئی بار چکر آنے کی علامات کا سامنا رہا ہے۔
اس حوالے سے اسٹیو اسمتھ کا کہنا ہے کہ مجھے چند دنوں سے چکر آنے کی شکایت رہی ہے اور اس وقت میں کچھ اچھا محسوس نہیں کررہا ہوں۔
آسٹریلیا کے مڈل آرڈر بیٹر اسٹیو اسمتھ نے امید ظاہر کی کہ افغانستان کے خلاف میچ سے قبل ٹھیک ہوں گا۔
واضح رہے کہ کل بروز بدھ 7 نومبر کو افغانستان اور آسٹریلیا کا میچ شیڈول ہے اور ورلڈکپ کے پوائنٹس ٹیبل پر آسٹریلیا تیسرے اور افغانستان چھٹے نمبر پر موجود ہے۔
