پشاور: مولانا فضل الرحمٰن جمعیت علمائے اسلام (ف) کے بلامقابلہ امیر اور مولانا عبدالغفور حیدری بلامقابلہ جنرل سیکریٹری منتخب ہوگئے۔
جے یو آئی کی مرکزی جنرل کونسل کے تمام ارکان نے دونوں رہنماوں کو متفقہ طور پر پانچ سال کے لیے امیر اور جنرل سیکریٹری منتخب کیا ہے۔
انتخابات میں ملک بھر سے 1500 کے لگ بھگ مرکزی کونسل کے ارکان شریک ہوئے۔
واضح رہے کہ مولانا فضل الرحمٰن نے 1980 میں پارٹی کی قیادت سنبھالی تھی اور تب سے پارٹی کی سربراہی مولانا فضل الرحمٰن کے پاس ہے۔
خیبر پی کے، بلوچستان، سندھ، پنجاب، جی بی اور اسلام آباد کے انتخابات مکمل ہو چکے ہیں۔
