سابق بھارتی کپتان محمد اظہرالدین نے بہار کے وزیر اعلیٰ نتیش کمار کی جانب سے مسلم خاتون ڈاکٹر کا نقاب کھینچنے پر سخت تنقید کی ہے۔
بھارتی میڈیا سے گفتگو کرتے ہوئے تلنگانہ ریاست کے اقلیتی بہبود کے وزیر و سابق ٹیسٹ کرکٹر محمد اظہرالدین نے کہا کہ یہ بہت بری بات ہے۔
انہوں نے کہا کہ یہ خاتون کی بے حرمتی ہے اور ایک دم جاہلانہ اقدام ہے۔
محمد اظہرالدین کا کہنا تھا کہ میرے پاس الفاظ نہیں ہیں کہ میں اس واقعے کی مذمت کرسکوں، بطور وزیر اعلیٰ انہیں ایسا نہیں کرنا چاہیے تھا۔
اظہرالدین نے نتیش کمار کے خلاف سخت کارروائی کرنے کا بھی مطالبہ کیا۔
#WATCH | Hyderabad | On a viral video of Bihar CM Nitish Kumar trying to remove a woman’s hijab, Telangana Minorities Welfare Minister Mohammad Azharuddin says,” It is very bad. I have no words to explain this. As a CM, he should have thought. There should be strict action on… pic.twitter.com/o45ZuwZSK1
— ANI (@ANI) December 16, 2025
یاد رہے کہ دو روز بھارتی ریاست بہار کے وزیر اعلیٰ نتیش کمار نے مذہبی آزادی اور انسانی حقوق کو سلب کرنے کی مودی پالیسی پر عمل کرتے ہوئے ایک مسلم خاتون ڈاکٹر کا حجاب کھینچ لیا تھا۔
نتیش کمار کے اس عمل پر بھارت سمیت دنیا بھر سے شدید ردعمل آیا تھا۔
