لاہور:
سابق سیکریٹری خارجہ اعزاز چوہدری کا کہنا ہے کہ ایک تو انھوں نے ہماری ساورینیٹی اور ٹیریٹوریل انٹیگریٹی دونوں چیزوںکی خلاف ورزی کی ہے، گولے ہمارے ہاں پھینکے ہیں، بڑے افسوس کی بات ہے کہ ایک ملک جو اپنے آپ کو اتنا بڑا ملک کہتا ہے وہ رات کے اندھیرے میں سوئے ہوئے سویلینز کے اوپر اور عبادت گاہوں پر حملہ کرتا ہے اور اس پر خوشی منا رہا ہے کہ ہم نے بڑی کامیابی حاصل کر لی.
ایکسپریس نیوز کے پروگرام اسٹیٹ کرافٹ میں گفتگو کرتے ہوئے انھوں نے کہا کہ انٹرنیشنل کمیونٹی نے پہلے تو ان کے اس الزام کی تائید بالکل نہیں کی جو انہوں نے پہلگام کے واقعہ کے بعد لگایا پاکستان پر اب البتہ انھوں نے نیوٹرل اسٹیٹمنٹ دی ہے کہ دونوں سائیڈز تحمل کا مظاہرہ کریں.
دفاعی تجزیہ کار ریٹائرڈ ایئر مارشل عاصم سلیمان نے کہا کہ سب سے پہلے چیز یہ ہے کہ جب آپ تیاری کرتے ہیں اور اس طرح کا ایک مشن کرتے ہیں تو اس کی موسٹ امپورٹنٹ چیز جو ہمیں پتہ ہونی چاہیے وہ ہماری لیڈرشپ ہوتی ہے، آپ کو لیڈرشپ نے کیا لائن دی ہے اور آپ کو کیا اچیو کرنے کو کہا گیا ہے تو اس کے اندر جو لیڈر شپ ہے اس میں آپ کی پولیٹیکل لیڈرشپ آجاتی ہے ، عسکری لیڈر شپ آ جاتی ہے پھر چونکہ یہ ایک ایئر فورس آپریشن تھا تو اس میں ایئر چیف کی گائیڈنس آ جاتی ہے انھوں نے کیسے گائیڈ کیا، آپ آج ایئر فورس کو نیکسٹ جنریشن ایئرفورس کہہ سکتے ہیں۔
