ماسکو: روسی صدر ولادیمیر پیوٹن نے یوکرین میں جنگ بندی کی حمایت کر دی ہے، تاہم کریملن کا کہنا ہے کہ اس حوالے سے کئی اہم سوالات تاحال حل طلب ہیں۔
امریکی صدر ڈونلڈ ٹرمپ نے اپنے منصب سنبھالنے کے بعد سے روس اور یوکرین کے درمیان فوری جنگ بندی کے لیے کوششیں جاری رکھی ہوئی ہیں، مگر اب تک کوئی بڑا بریک تھرو نہیں ہو سکا۔
کریملن کے ترجمان دیمتری پیسکوف نے پیر کے روز میڈیا سے گفتگو کرتے ہوئے کہا: “پیوٹن جنگ بندی کے خیال کے حامی ہیں، لیکن اس سے قبل کئی معاملات پر وضاحت درکار ہے۔”
یہ بیان ایک ایسے وقت میں سامنے آیا ہے جب یوکرین میں جنگ کو دو سال سے زائد ہو چکے ہیں، اور دنیا اس تنازعے کے حل کیلئے پرامید ہے۔
واشنگٹن، ماسکو اور کیف کے درمیان سفارتی رابطے جاری ہیں، لیکن اب تک کسی حتمی معاہدے تک نہیں پہنچا جا سکا۔
