معروف پاکستانی نژاد ڈیزانئر کے خلاف اہلیہ نے عدالتی محاذ کھولتے ہوئے لاہور کی مقامی عدالت میں نان نقصے کا کیس درج کرادیا ہے۔
تفصیلات کے مطابق فیشن ڈیزائنر کی چوتھی اہلیہ نے لاہور کی مقامی عدالت میں نان نفقے کا کیس دائر کرتے ہوئے عدالت نے انصاف مانگ لیا ہے۔
اہلیہ نے درخواست میں الزام عائد کیا کہ فیشنز ڈیزائنر نے ماضی کی شادیوں کے حوالے سے جھوٹ بولا اور نکاح نامے میں غلط معلومات درج کیں۔
خفیہ چیزیں اور باتیں سامنے آنے کے بعد فیشن ڈیزائنر کی اہلیہ نے حقائق جاننے کی کوشش کی اور پھر انصاف کیلیے عدالت کا دورازہ کھٹکھٹا دیا۔ جس کے باعث نجی زندگی میں تنازعات اور پیچیدگیاں بڑھ گئی ہیں۔
عدالتی ریکارڈ کے مطابق مقدمے کی درخواست لاہور کی فیملی کورٹ میں 6 مارچ کو دائر کی گئی۔ جس کے بعد نوٹس جاری ہوئے تاہم مبینہ طور پر ملزم عدالت میں پیش نہ ہوسکا۔
مذکورہ درخواست کی سماعت سول جج رانا آصف مصطفیٰ کر رہے ہیں۔
ذرائع کے مطابق اہلیہ نے الزام عائد کیا ہے کہ محمود بھٹی نے طویل عرصے سے نہ صرف مالی بلکہ جذباتی ذمہ داریوں سے بھی کنارہ کشی اختیار کر رکھی ہے۔
درخواست میں گھریلو تنازعات، جائیداد، وراثت اور اخلاقی ذمہ داریوں جیسے حساس نکات کو بھی اجاگر کیا گیا ہے اور اپنا حق دینے کی استدعا کی ہے۔
