26

مودی کے قوم سے خطاب پر ماہرین نفسیات کا دلچسپ تجزیہ


اسلام آباد:

معرکہ مرصوص میں تاریخی شکست کے بعد مودی شدید بوکھلاہٹ کا شکار ہو چکا ہے، مودی نے اپنی ہزیمت چھپانے کے لیے خطاب کے نام پر پرانی گیدڑ بھبھکیوں کو دہرایا۔

ماہرین نفسیات کے مطابق نریندر مودی کی تقریر ایک شکست خوردہ شخص کی تقریر تھی اور مودی قوم سے خطاب کے دوران شدید خوف کا شکار دکھائی دیے۔ مودی نے تقریر کے دوران پاکستان پر روایتی الزامات کو دہرایا۔

ماہرین نفسیات کا کہنا تھا کہ قوم سے خطاب کے دوران مودی کی باڈی لینگویج اور چہرے کے تاثرات سے بھارت کی ہار واضح نظر آئی، مودی قوم سے خطاب کے دوران ’’آف کلر‘‘ نظر آئے۔ مودی کی تقریر نفسیاتی اور طبی لحاظ سے غیر منظم تھی جو شدید اضطراب کی نشاندہی کرتی ہے۔

ماہرین نفسیات کے مطابق نریندر مودی نے پاکستان کے دریاؤں میں پانی روکنے کا گول مول ذکر کیا، نریندر مودی کی تقریر کے دوران انگلی مسلسل کانپ رہی تھی۔

سیاسی تجزیہ کار کا کہنا ہے کہ نریندر مودی کی سیاست کے خاتمےک ا وقت شروع ہو چکا ہے، دنیا اس بات کی گواہی دے چکی ہے کہ پاکستان سے جنگ پر بھارت کو بڑی ذلت کا سامنا کرنا پڑا ہے۔ مودی کے جو جھوٹے دعوے، نعرے اور ناپاک عزائم تھے وہ سب چکنا چور ہوگئے ہیں۔

سیاسی تجزیہ کار کا مزید کہنا تھا کہ بھارتی عوام اور اپوزیشن دونوں اب نریندر مودی کے خلاف ہو چکے ہیں، جس طرح پاکستان کی عوام پاک فوج کے حق میں باہر نکلی ہے، اسی طرح بھارتی عوام مودی کے خلاف باہر نکل آئی ہے۔ پاک بھارت جارحیت سے جتنی خوشی پاکستان کو خوشی ہوئی ہے اس سے کئی گنا زیادہ دکھ بھارت کو ہوا ہے، مودی اب کتنا عرصہ اقتدار میں رہتے ہیں اس کا فیصلہ وقت کرے گا۔

واضح رہے کہ پاکستان نے بھارت کو جنگ کے دوران شکست سے دوچار کیا جو مودی کے لیے شرمندگی کا باعث بن چکا ہے۔





Source link

اس خبر پر اپنی رائے کا اظہار کریں

اپنا تبصرہ بھیجیں