24

کراچی سے سردی رخصت، درجہ حرارت بڑھنے سے متعلق نئی پیشگوئی


کراچی:

شہر قائد میں سردی کی جُزوی لہر ختم ہوگئی جس کے باعث رات اور صبح کے درجہ حرارت میں دوبارہ اضافہ ہوگیا۔

محکمہ موسمیات کے مطابق کراچی کا کم سے کم درجہ حرارت گزشتہ روز کے مقابلے میں 8 ڈگری سینٹی گریڈ بڑھ گیا اور آج کم سے کم درجہ حرارت 20.5 ڈگری سینٹی گریڈ ریکارڈ ہوا۔

آئندہ 24 گھنٹوں کے دوران موسم خُشک، دن قدرے گرم اور مطلع صاف رہنے کا امکان ہے۔

گزشتہ روز زیادہ سے زیادہ درجہ حرارت 31.7 ڈگری سینٹی گریڈ ریکارڈ ہوا تھا تاہم آئندہ 24 گھنٹوں میں زیادہ سے زیادہ درجہ حرارت 32 جبکہ کم سے کم 19 ڈگری سینٹی گریڈ رہنے کا امکان ہے۔

مزید پڑھیں؛ کراچی؛ ایک دن میں درجہ حرارت 7 ڈگری گر گیا، راتیں سرد ہوگئیں

آئندہ 24 گھنٹوں کے دوران 10 سے 25 کلو میٹر فی گھنٹہ کی رفتار سے ہوائیں چلیں گی۔    

واضح رہے کہ گزشتہ روز کراچی میں مغربی سسٹم کے زیر اثر سرد ہوائیں چلنے سے درجہ حرارت ایک ہی دن میں 7 ڈگری سینٹی گریڈ گر گیا تھا جس کے سبب کم سے کم درجہ حرارت 13.5 ریکارڈ ہوا۔

محکمہ موسمیات کے مطابق جناح ٹرمینل پرپارہ 11.5، گلستان جوہرمیں 13.2، شاہراہ فیصل پر 12.5، بن قاسم ٹاون میں 13.6جبکہ سب سے کم پارہ ماڑی پورمیں 10 ڈگری سینٹی گریڈ ریکارڈ ہوا۔





Source link

اس خبر پر اپنی رائے کا اظہار کریں

اپنا تبصرہ بھیجیں