کراچی:شہر قائد میں 17 اور 18 اپریل کو درمیانی و موسلادھار بارش کی پیش گوئی کی گئی ہے۔
محکمہ موسمیات کے مطابق مغربی ہواؤں کا نیا سلسلہ 16 اپریل کی رات کو جنوب مغربی بلوچستان میں داخل ہوگا جس میں کراچی سمیت صوبہ سندھ میں بارش ہوسکتی ہے۔
کراچی میں 17 اپریل کی رات اور 18 اپریل کو گرچ چمک کے ساتھ درمیانی شدت کی بارش اور کہیں کہیں موسلادھار بارش کا امکان ہے۔
مزید پڑھیں؛ کراچی کے مختلف علاقوں میں بارش سے موسم خوشگوار
اسکے علاوہ، جیکب آباد، کشمور، شکارپور، سکھر، خیرپور، گھوٹکی، قمبر شہدادکوٹ، جامشورو، دادو، نوشہروفیروز، سانگھڑ، مٹیاری، حیدر آباد، ٹنڈو محمد خان، ٹنڈوالہ یار، میرپور خاص، ٹھٹہ، عمرکوٹ اور بدین کے اضلاع میں موسلادھار بارش متوقع ہے۔
واضح رہے کہ مغربی سلسلے کے تحت گزشتہ روز بھی کراچی کے مختلف علاقوں میں کہیں درمیانی اور کہیں موسلادھار بارش ریکارڈ کی گئی۔
