نیٹ فلکس کی نئی ویب سیریز (Adolescence) ایڈولیسنس مشہور ویب سیریز اسٹرینجر تھنگس کا ریکارڈ توڑتے ہوئے نیٹ فلکس کی سب سے زیادہ دیکھی جانے والی ویب سیریز بن گئی۔
کرائم تھرلر ڈرامہ ویب سیریز ایڈولیسنس نے ریلیز کے بعد سے صرف تین ہفتوں میں نیٹ فلکس کی اب تک کی ٹاپ 10 مقبول ترین سیریز میں جگہ بنا لی ہے۔
نیٹ فلکس کی ایک رپورٹ کے مطابق ایڈولیسنس کو ریلیز سے اب تک 96.7 ملین مرتبہ دیکھا جاچکا ہے رواں ہفتے میں اسے 30.4 ملین ویوز ملے ہیں جبکہ سیریز تمام 93 ممالک میں ٹاپ 10 میں ویب سیریز کی لسٹ میں شامل ہے۔
Adolescence جیسی کرائم تھرلر ویب سیریز ان دنوں Netflix کے ٹاپ 10 شوز کی فہرست میں 9ویں نمبر پر ہے جس کو نیٹ فلکس صارفین کی جانب سے خوب پسند کیا جارہا ہے۔
یہ کرائم ڈرامہ جیک تھورن اور سٹیفن گراہم نے پیش کی ہے اس شو میں 13 سالہ لڑکے جیمی ملر کی کہانی بیان کی گئی ہے جس کو اپنے اسکول میں ایک لڑکی کے قتل کے الزام میں گرفتار کیا جاتا ہے۔
13 مارچ 2025 کو ریلیز ہونے والی اس سیریز میں 4 اقساط ہیں جبکہ اس کی مقبولیت کے بعد صارفین کس کے اگلے سیزن کا بےصبری سے انتظار کر رہے ہیں۔
چائلڈ اسٹار اوون کوپر اس ویب سیریز میں جیمی ملر کا مرکزی کردار ادا کر رہے ہیں جبکہ دیگر اداکاروں میں سٹیفن گراہم، ایشلے والٹرز، ایرن ڈوہرٹی، اور فائی مارسے اہم کرداروں میں شامل ہیں۔
