معروف میزبان، مذہنی اسکالر مرحوم عامر لیاقت کی سابقہ اہلیہ بشریٰ اقبال نے عامر لیاقت کی دوسری سابقہ اہلیہ طوبیٰ انور کو آڑے ہاتھوں لے لیا۔
حال ہی میں طوبیٰ عامر نے ندا یاسر کے پروگرام میں دوران گفتگو دعویٰ کیا کہ وہ شوبز انڈسٹری اور اداکاری کی دنیا میں اتفاق سے آگئیں انہیں اداکاری کا شوق تھا نہ ہی کوئی ارادہ۔
طوبیٰ انور کی ویڈیو کلپ سوشل میڈیا پر وائرل ہو رہی تھی جس پر انہیں سوشل میڈیا صارفین کی جانب سے شدید تنقید کی جارہی تھی اور انہیں جھوٹا قرار دیا جارہا تھا۔ ایسے میں عامر لیاقت کی سابقہ اہلیہ بھی خاموش نہ رہ سکیں اور اس ویڈیو پر کمنٹ کرتے ہوئے ان پر طنز کے تیر چلا دیئے۔
بشریٰ اقبال نے کمنٹ میں لکھا کہ ’ اگر جھوٹ اور احسان فراموشی کا کوئی چہرہ ہوتا، سچ بتا دوں؟‘
دوسری جانب سوشل میڈیا صارفین کی جانب سے بھی بشریٰ اقبال کی حمایت کرتے ہوئے طوبیٰ انور کو بُرا بھلا کہا جارہا ہے۔
عامر لیاقت کے مداحوں کا کہنا ہے کہ طوبیٰ انور نے مرحوم عامر لیاقت کو شوبز اور لائم لائٹ کا حصہ بننے کیلئے بطور سیڑھی استعمال کیا اور پھر علیحدگی اختیار کرلی۔
یاد رہے کہ عالم آن لائن میزبان عامر لیاقت نے طوبیٰ انور سے شادی کے بعد اپنی پہلی اہلیہ بشریٰ اقبال کو طلاق دے دی تھی جس کے بعد طوبیٰ نے بھی ان سے علیحدگی اختیار کرلی جس کے بعد عامر لیاقت نے ٹک ٹاکر دانیہ شاہ سے شادی کی جو کچھ ہی وقت میں ختم ہوگئی۔
