1

ورلڈ لیجنڈز کرکٹ لیگ، پاکستان اور بھارت کے کھلاڑی ایک مرتبہ پھر مدمقابل

لیجنڈز کرکٹ لیگ انگلینڈ میں رواں برس جولائی میں ہوگی—فوٹو: فائل

لیجنڈز کرکٹ لیگ انگلینڈ میں رواں برس جولائی میں ہوگی—فوٹو: فائل

  کراچی:انگلینڈ میں شیڈول ورلڈ چمپیئنز آف لیجنڈز کرکٹ لیگ میں پاکستان اور بھارت کے مشہور کھلاڑی ایک مرتبہ پھر آمنے سامنے ہوں گے ۔

برمنگھم کے ایجبسٹن گراونڈ میں 3 سے 13 جولائی 2024 تک شیڈول ورلڈ چیمپینز آف لیجنڈز کرکٹ لیگ میں انگلینڈ، آسٹریلیا، ویسٹ انڈیز، جنوبی افریقہ، بھارت اور پاکستان کی ٹیمیں شرکت کریں گی۔

انگلینڈ کرکٹ بورڈ(ای سی بی) سے منظور شدہ اپنی نوعیت کی پہلی لیجنڈز لیگ میں دنیا کے معروف سینئر کرکٹرز شرکت کر رہے ہیں، جن میں آسٹریلیا کے سابق فاسٹ بولر بریٹ لی، انگلش بلے باز کیون پیٹرسن، جنوبی افریقہ کے مایہ ناز آل راؤنڈر جیکس کیلس، بھارت کے اسٹائلش بلے باز یوراج سنگھ اور اسپنر ہر بجن سنگھ اور دیگر شامل ہیں۔

لیگ میں پاکستان چیمپینز ٹیم  کی قیادت سابق ٹیسٹ کپتان اور ورلڈ کپ ٹی ٹوئنٹی کے چیمپیئن کپتان یونس خان کریں گے، ٹیم میں شاہد خان آفریدی سمیت دیگر معروف کرکٹرز شامل ہوں گے۔

لیجنڈز کرکٹ لیگ کی پاکستان چمپینز ٹیم کے ساتھ معاہدے کی تقریب مقامی ہوٹل میں منعقد ہوئی، لیگ کی جانب سے کامل خان اور ٹیم کی طرف سے شاہد آفریدی اور یونس خان نے دستخط کیے، تقریب میں کیک بھی کاٹا گیا۔

کامل خان نے کہا کہ آئی سی سی کا ایونٹ  ہونے کے ناطے لیگ میں اینٹی کرپشن پوری طرح سے مستعد ہوگی، پاکستان اور بھارت کے تماشائیوں کو کنٹرول کرنے کے لیے بھی اقدامات کیے جائیں گے۔

لیگ میں سینٹرل کنٹریکٹ والے کھلاڑی این او سی ملنے پر شرکت کر سکتے ہیں تاہم ایسے کھلاڑیوں کے لیے لیگ بہترین آپشن ہے جن کو کرکٹ کھیلنے کے مواقع نہیں مل پاتے۔





Source link

اس خبر پر اپنی رائے کا اظہار کریں

اپنا تبصرہ بھیجیں