(عرفان ملک-فائل فوٹو)
کراچی: نواجوان پاکستانی امریکن کرکٹر دوران میچ انتقال کر گیا۔
موصولہ اطلاعات کے مطابق نیویارک کے علاقہ برونکس میں کرکٹ میچ کے دوران عرفان ملک کو دل کا دورہ پڑا جو جان لیوا ثابت ہوا۔
پاکستانی امریکن کرکٹر 44 سالہ عرفان ملک ، کامن ویلتھ لیگ میں اپنی ٹیم اسٹرائیکرز کی جانب سے وین کورٹ لینڈ گراؤنڈ میں یونائیٹڈ کنگز کرکٹ ٹیم کے خلاف میچ کھیل رہے تھے۔
بیٹنگ کے منتظر عرفان ملک پیاس محسوس ہونے پر پانی لینے جاتے ہوئے اچانک زمین پر گر پڑے۔قریبی اسپتال میں طبی امداد کے دوران ڈاکٹرز نے عرفان ملک کی موت کی تصدیق کر دی۔
پاکستان میں سیالکوٹ سے تعلق رکھنے والے مرحوم عرفان ملک کے پسماندگان میں بیوہ اور پانچ بچے شامل ہیں۔
ان کی رحلت سے نیویارک میں مقیم پاکستانی کمیونٹی میں غم کی لہر دوڑ گئی۔
