کبھی میں کبھی تم کی آخری قسط میں شرجینا اور مصطفیٰ نے مداحوں کی خواہش کو پورا کردیا۔
مقبول ترین پاکستانی ڈرامہ ’کبھی میں کبھی تم‘ کے خوبصورت اختتام کو شائقین نے کی جانب سے بے حد پسند کیا گیا ہے۔ انہیں شرجینا اور مصطفیٰ کے درمیان جذباتی گفتگو بہت پسند آئی، جس کے دوران انہوں نے تمام غلط فہمیوں، کمیونیکیشن گیپس اور انا کے مسائل کو دور کیا اور ڈرامے کے اختتام میں ایک ہوگئے۔
مداحوں کے مطابق یہ ررواں سال کا سب سے بہترین ڈرامہ ہے جس میں حقیقی زندگی اور سادہ کہانی دکھائی گئی ہے۔
مداحوں کی جانب سے پوری کاسٹ سے محبت کا اظہار کیا جارہا ہے، بہت سے لوگ شرجینا اور مصطفیٰ کو بہترین اختتام دینے پر ان کا شکریہ بھی ادا کر رہے ہیں کیوںکہ وہ ایسی ہی ’ہیپی اینڈنگ‘ دیکھنا چاہتے تھے۔
شائقین نے کاسٹ بالخصوص فہد مصطفیٰ اور ہانیہ عامر کی شاندار اداکاری کو سراہا جنہوں نے شرجینا اور مصطفیٰ کی بہترین تصویر کشی کی اور مداحوں کو اپنی محبت کی کہانی پر یقین دلایا۔
فہد مصطفیٰ کے مداحوں نے انہیں ٹی وی پر سالوں بعد اپنی کامیاب واپسی پر مبارکباد دی۔ جبکہ پاکستان سمیت پڑوسی ملک بھارت، بنگلادیش سے مداحوں نے اپنے پسندیدہ ٹیلی ویژن شو کے ختم ہونے پر دکھ کا اظہار کیا اور اس کے دوسرے حصے کی ڈیمانڈ بھی کردی۔
