جنوبی افریقا کے خلاف دوسرے ٹیسٹ میں انجری کا شکار ہونے والے نوجوان ٹیسٹ کرکٹر صائم ایوب کی زخمی ہونے کے بعد تازہ ترین تصویر تیزی سے وائرل ہونے لگی۔
کیپ ٹاؤن میں کھیلے جانے والے دوسرے ٹیسٹ کے پہلے دن دوران فیلڈنگ صائم ایوب کا ٹخنہ مڑ گیا تھا، بعدازاں اسپتال میں ایکسرے اور دیگر متعلقہ ٹیسٹ کی رپورٹس کی روشنی میں ٹیم منجمنٹ نے 22 سالہ صائم ایوب کے ان فٹ ہونے کی تصدیق کردی۔
بقیہ میچ میں ان کی عدم دستیابی پاکستان کرکٹ ٹیم کے لیے ایک بڑا دھچکہ ہے، میچ میں زخمی ہونے کے بعد بے بسی کے انداز میں چھڑی کے سہارے جاتے صائم ایوب کی تصویر سرعت کے ساتھ سوشل میڈیا پر وائرل ہورہی ہے۔
مزکورہ تصویر میں تماشائی حیرانگی کے ساتھ صائم ایوب کو جاتا دیکھ رہے ہیں۔
