کراچی:
حیدرآباد سے کراچی آتے ہوئے سپر ہائی وے پر دو مسافر بسوں سمیت چار گاڑیوں میں تصادم ہوا جس کے نتیجے میں ایک شخص جاں بحق جبکہ 15 زخمی ہوگئے۔
ایدھی حکام کے مطابق تصادم میں دو مسافر بسیں ایک واٹر ٹینکر اور ایک لوڈر ٹرک شامل ہیں واقعہ میں ایک شخص جاں بحق اور 15 سے زائد افراد زخمی ہوئے ہیں۔
ریسکیو حکام کے مطابق زیادہ زخمیوں کو سپر ہائی وے پر نجی اسپتال میں طبی امداد فراہم کی جارہی ہے جبکہ کئی زخمی افراد کو جناح اسپتال منتقل کیا جارہا ہے۔
ریسکیو حکام کے مطابق ایدھی ایمبولینس اور رضاکار جائے وقوعہ پر موجود امدادی سرگرمیوں میں مصروف ہیں جبکہ جاں بحق اور زخمیوں کی شناخت کا عمل جاری ہے۔
