سوشل میڈیا کچھ لوگوں کو راتوں رات شہرت نصیب کردیتا ہے۔ ایسا ہی کچھ ہوا ہے اس راجستھانی لڑکی کے ساتھ، جس کی وائرل ویڈیو نے انٹرنیٹ صارفین کی توجہ حاصل کرلی ہے۔
بغیر میک اپ کے روایتی لباس میں ملبوس راجستھانی لڑکی کی وی لاگر کے ساتھ بات چیت اور بے ساختہ ہنسی کی ویڈیو سوشل میڈیا پر وائرل ہونے کے بعد انٹرنیٹ پر نیا سینسیشن بن گئی ہے۔
ویڈیو میں دیکھا جاسکتا ہے کہ راجستھانی لڑکی جیوتی نے اپنے سر کو گھونگھٹ سے ڈھانپ رکھا تھا اور بندیا، بالیاں اور چوڑیاں پہن رکھی ہیں۔ سوشل میڈیا صارفین نے جیوتی کی شاندار خوبصورتی، روایتی دلکشی اور سادگی کی تعریف کی تھی، جس کے نتیجے میں اس کی ویڈیو سوشل میڈیا پر وائرل ہوگئی۔
بلاگر سے بات کرتے ہوئے جیوتی نے انکشاف کیا کہ یہ پہلا موقع ہے جب کسی نے اس کی ویڈیو ریکارڈ کی ہے۔ جیوتی کی تصاویر اور ویڈیوز نے سوشل میڈیا پلیٹ فارمز کو بھر دیا ہے، جس میں اسے لازوال ہندوستانی خوبصورتی کی علامت کے طور پر دکھایا گیا ہے۔
مقامی رپورٹس بتاتی ہیں کہ غیر ملکی سیاحوں کو اس کے ساتھ سیلفی لینے کےلیے رکتے ہوئے دیکھا گیا ہے، جس سے اس کی شہرت میں مزید اضافہ ہوا ہے۔ کئی صارفین نے وائرل ویڈیوز کے کمنٹ سیکشن میں لکھا کہ ہے ’’وہ واقعی خوبصورت ہے‘‘۔
