کرکٹر کو مستقبل میں آئی ایل ٹی20 اور ٹی10 لیگ میں پابندی لگنے کا امکان (فوٹو: پی سی بی)
پاکستان سپر لیگ (پی ایس ایل) کے نویں ایڈیشن میں شاندار کھیل کا مظاہرہ کرنے والے نوجوان بیٹر عثمان خان کیخلاف اماراتی کرکٹ بورڈ (ای سی بی) نے معاہدے کی خلاف ورزی پر تحقیقات کا آغاز کردیا۔
کرکٹ کی معروف ویب سائٹ کرک انفو کی رپورٹ کے مطابق عثمان خان کی جانب سے اماراتی کرکٹ بورڈ سے معاہدے کی خلاف ورزی پر حتمی فیصلہ آئندہ 10 سے 15 روز میں کرلیا جائے گا جبکہ بورڈ آئی ایل ٹی20 اور ٹی10 لیگ میں مقامی کھلاڑی کے طور پر کرکٹر کے مستقبل کا فیصلہ کرے گی۔
رپورٹس میں کہا گیا ہے کہ عثمان خان اگر معاہدے کیخلاف ورزی کے مرتکب قرار پائے گئے تو انہیں اماراتی لیگ کھیلنے سے متعلق بھی پابندی بھگتنا پڑسکتی ہے۔
مزید پڑھیں: عثمان خان نے ملک کی نمائندگی کیلئے پیسوں کو چھوڑ دیا
دوسری جانب کرکٹر عثمان خان سمجھتے ہیں کہ انہوں نے کسی معاہدے کی خلاف ورزی نہیں کی، ان کے معاہدے میں 30 دن کے نوٹس کی مدت کے ساتھ معاہدے سے الگ ہونے کی شق بھی شامل ہے۔
مزید پڑھیں: پاکستان کی نمائندگی؛ عثمان خان نے تمام کشتیاں جلادیں
واضح رہے کہ عثمان خان اسوقت قومی ٹیم کے کرکٹرز کے ہمراہ کاکول میں ٹریننگ کیمپ میں شامل ہیں اور دورہ نیوزی لینڈ کے دوران کرکٹر کو موقع ملنے کا امکان ہے۔
