ایوان میں اسلحہ لے جانے کا کیس؛ بی این پی مینگل کے رہنماؤں کی ضمانت منظور

اسلام آباد کی انسداد دہشت گردی عدالت نے سینیٹ میں اسلحہ لے جانے کے کیس میں بی این پی مینگل کے 2 رہنماؤں کی ضمانت منظور کرلی۔

انسداد دہشت گردی عدالت اسلام آباد میں بی این پی مینگل کے 2 رہنماؤں اخترلانگو اور شفیع محمد کے خلاف سینیٹ میں اسلحہ لے جانےسے متعلق کیس میں ضمانت کی درخواست پر سماعت ہوئی۔

عدالت نے بی این پی مینگل کے اختر لانگو اور شفیع محمد کی بعد از گرفتاری ضمانت منظور کرلی۔ دونوں سابق اراکین بلوچستان اسمبلی کی ضمانت 20،20 ہزار کے مچلکوں کے عوض منظور کی گئی۔