اینٹی نارکوٹکس فورس ( اے این ایف) نے بین الصوبائی منشیات اسمگلنگ کی بڑی کوشش ناکام بنا دی۔
اے این ایف ترجمان کے مطابق خفیہ اطلاع پر موٹروے انٹرچینج ساہیانوالہ، فیصل آباد کے قریب کارروائی عمل میں لائی گئی۔ دوران تلاشی ٹرک کے ڈرائیور کیبن کے اوپر بنے تاج سے 1200 گرام وزنی چرس کے 150 پیکٹ برآمد ہوئے۔ کارروائی کے دوران ٹرک سے مجموعی طور پر 180 کلوگرام چرس برآمد ہوئی۔
اے این ایف کا مزید کہنا ہے کہ دوران کارروائی ٹرک کے ڈرائیور کو موقع سے گرفتار کر لیا گیا۔ ملزم بین الصوبائی منشیات اسمگلنگ گروہ کا اہم رکن ہے۔ دیگر ملزمان کی گرفتاری کیلئے ملزم سے مزید تحقیقات کا عمل جاری ہے۔ ملزم کے خلاف انسداد منشیات ایکٹ کے تحت مقدمہ درج کر لیا گیا ہے۔
