ساہیوال میں تھانہ فرید ٹاؤن کی حدود میں 16 سالہ لڑکی کو تیزاب پلانے والے ملزم کو 24 گھنٹے میں گرفتار کرلیا گیا۔
ملزم نے رشتے سے انکار پر لڑکی کو تیزاب پلا دیا تھا۔
چیئرپرسن پنجاب وومن پروٹیکشن حنا پرویز بٹ نے ساہیوال کا دورہ کیا اور ٹیچنگ اسپتال میں متاثرہ لڑکی سے ملاقات کرکے ورثا کو مکمل انصاف کی یقین دہانی کرائی۔
ایس پی انویسٹی گیشن نے مقدمہ کی تفصیلات اور تفتیش میں پیش رفت سے آگاہ کیا۔
حنا پرویز بٹ نے کہا کہ خواتین کو تحفظ فراہم کرنا ہماری اولین ترجیح ہے، پنجاب حکومت متاثرہ خاندان کے ساتھ کھڑی ہے، خواتین پر تشدد کرنے والوں کے خلاف زیرو ٹالرنس ہے۔
