لاہور:
پنجاب کے مختلف شہروں میں حادثات میں ایک شخص جاں بحق اور 16 زخمی ہوگئے۔
ریسکیو 1122 کے مطابق ننکانہ صاحب میں لدھر گاؤں کے قریب تیز رفتار بس بے قابو ہو کر الٹ گئی، حادثے میں خاتون سمیت 7 افراد زخمی ہوئے جن میں وسیم، عاصم، سمیرا، ابوبکر، فیصل، شرافت اور احسن شامل ہیں، حادثہ کا شکار ہونے والی بس سانگلہ ہل سے فیصل آباد جا رہی تھی۔
دوسری جانب لاہور میں روکو روہی مانگا رائیونڈ روڈ پر ٹریفک حادثہ میں ایک شخص جاں بحق اور دو زخمی ہوگئے، ٹریفک حادثہ ٹرالی اور رکشہ کے مابین ہوا۔
ادھر رینالہ خورد میں بائی پاس پل جوڑیاں نزد اٹک پٹرولیم کے قریب مزدا ٹرک، ٹریکٹر ٹرالی اور مسافر بس میں تصادم سے 2 خواتین اور 4 مردوں سمیت 6 افراد زخمی ہوگئے۔
اوکاڑہ میں قومی شاہراہ نزد مرغی خانہ اسٹاپ کے پاس کیری ڈبہ آگے جاتے ہوئے ٹرک سے ٹکرا گیا، حادثے میں کیری ڈبے کا ڈرائیور زخمی ہوا جسے موقع پر ہی ابتدائی طبی امداد فراہم کر دی گئی۔
