راولپنڈی:
تھانہ ریس کورس کے علاقے میں ڈکیتی و چوری کی وارداتوں میں ملوث ملزم دھر لیا گیا۔
پولیس کو ریس کورس کے رہائشی محمد قدیر نے بتایا کہ اسکی اہلیہ اپنی ہمشیرہ کے ہمراہ دودھ لیکر واپس آرہی تھی کہ گھر کے قریب 28 سالہ ملزم نے ڈکیتی کی کوشش کی لیکن شور کرنے پر کامیاب نہ ہوسکا۔
سی سی ٹی وی فوٹیج میں دیکھا گیا کہ ملزم بھاگتے ہوئے گھر کے اندر آنے کی کوشش کر رہا تھا لیکن شہریوں نے ملزم کو قابو کرلیا اور درگت بھی بنائی جبکہ اس دوران ملزم نے فرار ہونے کی کوشش کی۔
پولیس نے ملزم کو گرفتار کر لیا ہے۔ پولیس حکام کا کہنا تھا کہ ملزم کو گرفتار کرکے مقدمہ درج کرلیا گیا، مزید تفتیش جاری ہے۔
