کراچی:حجاموڑو کریک کے قریب کھلے سمندر میں کشتی ڈوب گئی جس میں تقریباً 50 ماہی گیر سوار تھے۔
ترجمان کوسٹل میڈیا سینٹر ابراہیم حیدری کمال شاہ کے مطابق حجامڑو کریک کراچی اور ٹھٹھہ کا درمیانی علاقہ ہے جبکہ کراچی سے کشتی کے ڈوبنے کا مقام پانچ گھنٹے کی مسافت پر ہے۔
کشتی ابراہیم حیدری سے مرغی کی فیڈ کے لیے استعمال ہونے والی مچھلی کے شکار پر روانہ ہوئی تھی، ممکنہ طور پر مال سے لدی کشتی کو تیز ہواؤں کی وجہ سے حادثہ پیش آیا۔
ماہی گیر اپنی مدد آپ کے تحت ڈوبنے والے ماہی گیروں کو تلاش کر رہے ہیں۔