تامل فلم انڈسٹری کی معروف اداکارہ سمانتھا روتھ پربھو نے اپنی آخری چند فلموں کے بارے میں بات کرتے ہوئے بطور اداکارہ اپنی ناکامی قبول کرلی۔
اداکارہ نے انسٹاگرام پر مداحوں کے ساتھ سوال جواب کا سیشن رکھا جس میں انہوں نے ماضی میں “کچھ غلطیاں” کرنے کا اعتراف کیا۔
سمانتھا رتھ پربھو نے اعتراف کیا کہ وہ پچھلی فلموں میں شاید اپنی بہترین کارکردگی نہیں دے سکیں تاہم اب وہ اپنے نئے پراجیکٹ ( Citadel: Honey Bunny) پر بہت محنت کر رہی ہیں۔
اداکارہ نے بتایا کہ نیا پراجیکٹ ان کیلئے ایک بڑا چیلنج ہے کیونکہ یہ شاید ان کی زندگی کا سب سے پیچیدہ اور چیلنجنگ کردار ہے۔
ایک شخص نے اداکارہ سے سوال کیا کہ کیا آپ ہمیں بتا سکتی ہیں کہ آپ نے سٹاڈل میں اپنے کردر کیلئے کتنی محنت کی ہے اور آپ کا کردار کیسا نظر آئے گا؟
سمانتھا نے جواب دیا کہ ’میں نے اپنے آپ سے وعدہ کیا ہے کہ میں ہر کردار کے ساتھ اپنے آپ کو چیلنج کروں گی، ہر چیلنج پچھلے سے زیادہ مشکل ہوگا۔ میں مانتی ہوں کہ میں نے ماضی میں کچھ غلطیاں کیں اور چیزیں واقعی کام نہیں آئیں میں ناکامی کو قبول کرتی ہوں۔ میں یہ قبول کرتی ہوں کہ میں اپنی آخری چند فلموں میں شاید اپنی بہترین کارکردگی نہیں دے سکی‘۔
واضح رہے کہ سمانتھا (Citadel: Honey Bunny) میں ورون دھون کے ساتھ جلوہ گر ہوں گی ایکشن سے بھرپور اس سیریز کی ہدایتکاری راج نیدی موڑو اور کرشنا ڈی کے نے کی ہے جو 7 نومبر کو اسٹریمنگ سائٹ پرائم ویڈیو پر پیش کی جائے گی۔
اس سے قبل سمانتھا پربھو آخری مرتبہ تامل فلم یشودھا اور شکن تالم میں جلوہ گر ہوئی تھیں تاہم ان کی یہ فلمیں دنیا بھر سے 50 کروڑ سے کم ہی کما سکی اور ناکام رہیں۔
