متنازع باکسر ایمان خلیف رپورٹس لیک پر عدالت پہنچ گئیں

پیرس اولمپکس میں گولڈ میڈل حاصل کرنیوالی خاتون باکسر ایمان خلیف نے میڈیکل رپورٹ لیک کرنے والوں کیخلاف قانونی کارروائی کا آغاز کردیا۔

میڈیا رپورٹس کے مطابق انٹرنیشنل اولمپک کمیٹی (آئی او سی) کی جانب سے جاری کردہ بیان میں کہا گیا ہے کہ ہم سمجھتے ہیں کہ الجزائر سے تعلق رکھنے والی خاتون باکسر ایمان خلیف ان افراد کے خلاف قانونی کارروائی کی ہے جنہوں نے اولمپک گیمز کے دوران انکی صنفی اہلیت پر سوال اٹھایا تھا۔

آئی او سی کا کہنا ہے کہ قانونی کارروائی کے دوران میڈیا رپورٹس پر کوئی تبصرہ نہیں کرے گا جب تک تصدیق نہیں ہوجاتی، البتہ انکے ساتھ بدسلوکی پر دکھ ہے جس سے اسوقت اولمپئین کو گزرنا پڑرہا ہے۔

مزید پڑھیں: متنازع باکسر ایمان خلیف کی ایک اور میڈیکل رپورٹ لیک، مرد قرار

کمیٹی نے مزید کہا کہ ایمان خلیف کو کئی سالوں سے خواتین کے زمرے میں بین الاقوامی مقابلوں میں حصہ لے چکی ہیں، جس میں ٹوکیو اولمپکس اور انٹرنیشنل باکسنگ ایسوسی ایشن  جانب سے منظور شدہ ایونٹس شامل ہیں۔

مزید پڑھیں: متنازع باکسر ایمان خلیف نے بھی خواتین باکسنگ مقابلوں میں گولڈ میڈل جیت لیا

اس سے قبل ایمان خلیف فرانس میں آن لائن ہراساں کیے جانے کی شکایت درج کروا چکی ہے۔

خیال رہے کہ گزشتہ دنوں پیرس اولمپکس میں گولڈ میڈل حاصل کرنیوالی خاتون باکسر ایمان خلیف کی ایک اور میڈیکل رپورٹ لیک ہوئی تھی جس میں انہیں مرد قرار دیا گیا تھا۔