پاکستانی شوبز انڈسٹری کی مشہور خوبرو اداکارہ نیلم منیر کی شادی کی تقریبات کا آغاز ہو گیا ہے جس کا مداحوں کو بےصبری سے انتظار تھا۔
نیلم نے اپنی مایوں کی تقریب کی تصاویر سوشل میڈیا پر شیئر کی ہیں، جن میں انہیں زرد رنگ کے روایتی لباس میں مہندی لگائے ہوئے دیکھا جا سکتا ہے۔ ایک تصویر میں وہ اپنی والدہ کے ساتھ بھی نظر آ رہی ہیں۔ یہ تصاویر کراچی کے ایک خوبصورت مقام پر کیے گئے فوٹو شوٹ کی ہیں۔
مداح نیلم منیر کی ان تصاویر کو بہت پسند کر رہے ہیں اور نیک تمناؤں کا اظہار کر رہے ہیں۔
یاد رہے کہ نیلم منیر کی شادی سے متعلق خبریں کافی عرصے سے سوشل میڈیا پر گردش کر رہی تھیں، اور یہ کہا جا رہا تھا کہ اداکارہ دسمبر 2024 میں شادی کریں گی تاہم ان کی شادی کی تقریبات کا آغاز جنوری 2025 سے ہوا ہے۔
گزشتہ ماہ ایک نجی بیوٹی سیلون نے اپنے انسٹاگرام پیج پر ایک ویڈیو شیئر کی تھی، جس میں ایک سیلیبرٹی دلہن کو دکھایا گیا تھا، تاہم ان کا چہرہ واضح نہیں تھا۔
وہ نیلم منیر کی شادی کے پہلے ایونٹ ‘دعائے خیر’ کی جھلک تھی جس پر ان کی شادی کی افواہوں کو مزید ہوا مل گئی تھی۔
