سیکیورٹی فورسز نے شمالی وزیرستان میں کارروائی کرتے ہوئے چار دہشت گردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان میں دہشت گردوں کی موجودگی کی اطلاع پر آپریشن کیا، جس کے دوران دو طرفہ فائرنگ کا شدید تبدالہ ہوا۔
فائرنگ کے تبادلے میں چار دہشت گرد جہنم واصل ہوئے جن کے قبضے سے اسلحہ، گولہ بارود اور دھماکا خیز مواد برآمد ہوئی۔ مارے گئے دہشت گرد سیکیورٹی فورسزپر حملوں اور شہریوں کی ٹارگٹ کلنگ سمیت جرائم کی دیگر وارداتوں میں ملوث تھے۔
آئی ایس پی آر کے مطابق علاقے میں دہشت گردوں کے خاتمے کے لیے سینی ٹائزیشن آپریشن کیا جا رہا ہے جبکہ مقامی لوگوں نے آپریشن کو سراہا اور دہشت گردی کی لعنت کے خاتمے کے لیے بھرپور تعاون کا یقین دلایا ہے۔
