پاک نیوزی لینڈ سیریز؛ ٹرافی کی رونمائی کردی گئی

پاکستان اور نیوزی لینڈ کے درمیان ٹی20 سیریز کیلئے ٹرافی کی رونمائی کردی گئی۔

دونوں ٹیموں کے مابین 5 ٹی20 میچز پر مشتمل سیریز آج سے راولپنڈی میں شروع ہوگی، سیریز کے ابتدائی تین میچز کی میزبانی پنڈی کرکٹ اسٹیڈیم کرے گا۔

سیریز کے آغاز سے قبل دونوں ٹیموں نے بدھ کی رات بھرپور پریکٹس کی، ٹریننگ سے قبل سیریز کی ٹرافی کی رونمائی ہوئی جس میں پاکستانی کپتان بابراعظم اور کیوی کپتان مائیکل بریسویل شریک ہوئے۔اس مختصر تقریب میں راولپنڈی اسٹیڈیم کے گراؤنڈز مین بھی موجود تھے۔

اس موقع پر کیوی کپتان مائیکل بریسویل نے میڈیا سے گفتگو میں کہا کہ ہم نے ٹیم میں نوجوان کھلاڑیوں کو موقع دیا ہے، کوشش ہوگی کہ پاکستان کے خلاف اچھا کھیل پیش کریں۔

مزید پڑھیں: ’’سلیکشن کمیٹی نے بڑے ناموں کی کمزور ٹیم منتخب کی‘‘

پاکستان کرکٹ ٹیم کےکپتان بابراعظم نے بھی پریس کانفرنس میں کہا کہ اس سیریز میں ورلڈکپ سے قبل تمام کھلاڑیوں کو موقع دینےکی کوشش کریں گے۔

مزید پڑھیں: ’’نیوزی لینڈ کیخلاف سیریز میں بابراعظم کو آرام کا موقع دے سکتے ہیں‘‘

بابراعظم نے کہا کہ پی ایس ایل کے بعد کاکول کیمپ میں فٹنس پرکام کیا، پاکستان کے لیے کھیلنے والے کھلاڑی پرفارمنس دے کر آئے ہیں، شاداب اور عماد کے ٹیم میں آنے سے بیٹنگ مضبوط ہوگئی ہے۔