[ad_1]
شہر قائد کے علاقے سائٹ ایریا میں ڈکیتوں نے مزاحمت پر سیکیورٹی گارڈ کو قتل کردیا جس کے بعد رواں سال میں اب تک مزاحمت پر قتل ہونے والے شہریوں کی تعداد 67 تک پہنچ گئی۔
تفصیلات کے مطابق سائٹ سپر ہائی تھانے کی حدود میں مسلح ڈکیتوں نے ڈیوٹی ختم کر کے واپس جانے والے سیکیورٹی گارڈ کو مزاحمت پر گولیاں مار کر شہید کیا۔
پولیس نے واقعے کی تصدیق کرتے ہوئے بتایا کہ ملزمان نے لوٹنے کی کوشش کی تو گارڈ نے اسلحہ نکالا جس پر ملزمان نے فائرنگ کردی اور ایک گولی مقتول کے سینے میں لگی۔
مقتول کی شناخت فیصل کے نام سے ہوئی جس کی لاش کو ضابطے کی کارروائی کے لیے اسپتال منتقل کردیا گیا جبکہ پولیس نے وقوعہ سے خول و شواہد جمع کر کے تحقیقات شروع کردیں۔
واضح رہے کہ رواں سال میں اب تک کراچی میں ڈکیتوں نے مزاحمت پر تقریبا 67 افراد کو قتل جبکہ سیکڑوں کو زخمی کردیا ہے۔
[ad_2]
Source link
