[ad_1]
آئی سی سی نے تاحال وارم اَپ میچز کا شیڈول جاری نہیں کیا ہے (فوٹو: ایکسپریس ویب)
پاکستان اور انگلینڈ کی ٹیمیں ٹی20 سیریز کے باعث ویسٹ انڈیز اور امریکا میں شیڈول میگا ایونٹ کے وارم اَپ میچز گنواسکتی ہیں۔
دونوں ٹیمیں آئی سی سی ٹی20 ورلڈکپ سے قبل 22 مئی کو مدمقابل آئیں گی جبکہ سیریز کا اختتام 30 مئی کو ہوگا۔
پاکستان ٹورنامنٹ کا باقاعدہ آغاز میزبان ملک امریکا کیخلاف میچ سے کرے گا، جو 6 جون کو شیڈول ہے جبکہ قومی ٹیم اگلا میچ روایتی حریف بھارت کیخلاف 9 جون، کینیڈا کیخلاف 12 جون اور آخری گروپ میچ آئرلینڈ کیخلاف 16 جون کو مدمقابل آئے گی۔
مزید پڑھیں: ورلڈکپ اسکواڈ کا اعلان کیوں نہیں ہوا؟ رمیز راجا سلیکشن کمیٹی پر برہم
اسی طرح انگلش ٹیم اپنے ٹی20 ورلڈکپ مہم کا آغاز ویسٹ انڈیز سے کرے گی جہاں وہ 4 جون کو اسکاٹ لینڈ، 8 جون کو آسٹریلیا، 14 جون کا عمان اور 15 جون کو نمیبیا کے خلاف میدان میں اُترے گی۔
مزید پڑھیں: ٹی20 ورلڈکپ؛ سابق کپتان کا بابراعظم، رضوان کو اہم مشورہ
آئی سی سی نے میگا ایونٹ کیلئے وارم اَپ میچز کا تاحال اعلان نہیں کیا ہے تاہم ذرائع کا کہنا ہے کہ یکم جون سے شروع ہونے والے ایونٹ کے میچز 25 اور 26 مئی کو شیڈول رکھے جاسکتے ہیں۔
انٹرنیشنل کرکٹ کونسل کی جانب سے اِن تاریخوں کو میچز شیڈول رکھے گئے تو پاکستان اور انگلینڈ کی ٹیمیں وارم اَپ میچز کھیلنے سے محروم رہ سکتی ہیں۔
[ad_2]
Source link
