[ad_1]
پاک بھارت ٹیسٹ سیریز کب ہوگی؟ کچھ نہیں جانتا،انٹرویو
۔ فوٹو: بی سی سی آئی
لاہور: بھارتی کپتان روہت شرما پاکستانی شائقین کے پیغامات پر مسرور ہیں۔
ایک انٹرویو میں روہت شرما نے کہا کہ میں سوشل میڈیا پر پاکستانی شائقین کی طرف سے پیغامات ملنے پر خوشی محسوس کرتا ہوں، میں جانتا ہوں کہ وہ کرکٹ سے بے پناہ لگائو رکھتے ہیں،انگلینڈ میں بھی پاکستانی شائقین ملیں تو بڑی عزت دیتے ہیں،وہ بتاتے ہیں کہ چند بھارتی کرکٹرز کو ایکشن میں دیکھنا انھیں کتنا اچھا لگتا ہے۔
کپتان سے سوال کیا گیا کہ آپ نے پاک بھارت ٹیسٹ سیریز کی خواہش ظاہر تھی،وہ کب ہوگی؟ انھوں نے جواب میں کہا کہ میں نہیں جانتا، اگر آپ مجھ سے پوچھیں تو میری ذاتی رائے یہ ہے کہ میں ایک کرکٹر ہوں،چاہتا ہوں کہ خود کو چیلنج میں آزمانے کا موقع ملے، میں کسی بھی سطح پر کھیلنا چاہتا ہوں،پاکستان ایک اچھی ٹیم ہے،انھیں بہترین نوجوان بولرز کی خدمات حاصل ہیں،بیٹنگ بھی اچھی ہے، پاک بھارت ٹیمیں مقابل ہوں تو ہمیشہ ایک نیا پن آتا ہے۔
یہ بھی پڑھیں: محسن نقوی نے روہت شرما کی پاک بھارت ٹیسٹ سیریز کی خواہش کا جواب دے دیا
روہت شرما نے کہا کہ شائقین دونوں ٹیموں کو ایکشن میں دیکھنے کیلیے بے تاب ہوتے ہیں،مجھے پاک، بھارت میچز میں کوئی مسئلہ نہیں،میں یہ بات کھیل کے لحاظ سے کررہا ہوں،روایتی حریفوں کے مقابلے ٹیسٹ کرکٹ کیلیے بھی ایک اچھا شگون ہوں گے،میں دوسرے ملکوں کی طرح پاکستان کیخلاف بھی کھیلنا چاہتا ہوں۔
انھوں نے کہا کہ آپ آسٹریلیا جائیں تو مختلف حصوں میں الگ طرح کے چیلنجز درپیش ہوتے ہیں،اسی طرح انگلینڈ کی کنڈیشنز مختلف ہیں، ایشیا میں پاکستان ٹیم سمیت کسی سے بھی کھیلتے ہوئے الگ نوعیت کی مہارت درکار ہوتی ہے،یہ سب چیزیں ٹیسٹ کرکٹ کے حسن میں اضافہ کرتی ہیں۔
[ad_2]
Source link
