[ad_1]
ائرٹریفک کنٹرولر نے بائیں لینڈنگ گیئر میں دھواں اور چنگاریاں دیکھیں
پشاور: ائرپورٹ پر لینڈنگ کے بعد سعودی ائرلائن کے لینڈنگ گیئر میں آگ لگ گئی۔
ترجمان سول ایوی ایشن کے مطابق پشاور ائرپورٹ پر لینڈنگ کے بعد سعودی ائرلائن کے لینڈنگ گیئر میں آتشزدگی کا واقعہ پیش آیا۔ سعودی ائرلائن کی پرواز 792 کی پشاور ائرپورٹ پر لینڈنگ کے بعد ائرٹریفک کنٹرولر نے بائیں لینڈنگ گیئر میں دھواں اور چنگاریاں دیکھیں۔
ائرٹریفک کنٹرولر نے پائلٹ کو بائیں گیئر گئیر سے دھواں اور چنگاری نکلنے سے آگاہ کیا، جس پر سول ایوی ایشن ائر ٹریفک کنٹرولر نے فوراً فائر اینڈ ریسکیو سروسز کو مطلع کیا، جو بروقت موقع پر پہنچ گئے۔ فائر ٹینڈرز نے بروقت کارروائی کی اور لینڈنگ گیئر میں ہونے والی آتشزدگی پر فوراً قابو پاکر طیارے کو بڑے حادثے سے بچا لیا۔
تمام 276 مسافر اور عملے کے 21 ارکان انفلیٹبل سلائیڈ کے ذریعے بحفاظت طیارے سے باہر آگئے۔ سعودی ائرلائن کی پرواز ریاض سے پشاور آئی تھی۔
[ad_2]
Source link
