[ad_1]
بیجنگ: چین میں ایک سوشل میڈیا انفلوئنسر جو love guru کے نام سے جانی جاتی ہیں، خواتین کو امیر مردوں سے شادی کرنے کا آن لائن طریقہ سکھا کر سالانہ 163 کروڑ روپے کمارہی ہیں۔
ساؤتھ چائنا مارننگ پوسٹ کے مطابق خاتون کا اصل نام لی چوانکو ہے جنہوں نے سوشل میڈیا پلیٹ فارمز کے ذریعے تعلقات اور مالی مشورے فراہم کر کے چین میں “لو گرو” کے طور پر مقبولیت حاصل کرلی ہے۔
تاہم لی چوانکو کے مشورے نے اکثر تنازعات کو بھی جنم دیا ہے کیونکہ ان کا طریقہ کار ایسے طرز عمل کی حوصلہ افزائی کرتا ہے جنہیں رومانوی تعلقات میں غیر اخلاقی یا ہیرا پھیری قرار دیا جاتا ہے۔
لی شادی شدہ ہونے کو ”قلعے کے اندر بند” اور پیسے کو ”چاول” اور حمل کو ”گیند لے جانے” سے تعبیر کرتی ہیں۔ اپنی ویڈیوز میں انہوں نے دو ٹوک الفاظ میں متعدد بار کہا ہے کہ تمام رشتے بنیادی طور پر فائدے کے تبادلے پر مبنی ہوتے ہیں۔ ہر چیز کو اپنے مفاد اور خود کو بااختیار بنانے کے لیے استعمال کیا جانا چاہیے۔
خاتون کی لائیو اسٹریمز کے دوران ون آن ون مشاورت کی لاگت 155 ڈالرز ہے جب کہ ان کے سب سے مشہور کورس، ’قابل قدر رشتے‘ کی قیمت 517 ڈالرز ہے۔ دریں اثنا پرائیویٹ کونسلنگ پیکجز کی لاگت ہر ماہ 1,400 ڈالرز سے زیادہ ہے۔
[ad_2]
Source link
