پاک انگلینڈ؛ قومی ٹیم کا اعلان رواں ہفتے ہونے کا امکان

انگلینڈ کے خلاف ٹیسٹ سیریز کیلئے قومی ٹیم کا اعلان رواں ہفتے ہونے کا امکان ہے۔

ایکسپریس نیوز کے مطابق شان مسعود کو ہی انگلینڈ کے خلاف سیریز کیلئے کپتان برقرار رکھا جائے گا، قومی ٹیم 2 اکتوبر کو ملتان میں رپورٹ کرے گی۔

مہمان انگلینڈ کی ٹیم بھی اسی روز ملتان میں لینڈ کرے گی، انگلینڈ کی ٹیم کا 3 اکتوبر کو ریسٹ ڈے رکھا گیا ہے جبکہ پاکستانی ٹیم کا 3 اکتوبر کو پہلے ٹریننگ سیشن میں حصہ لے گی۔

ذرائع کے مطابق بنگلادیش کے خلاف ٹیسٹ سیریز کھیلنے والی ٹیم میں 3 سے 4 تبدیلیاں متوقع ہیں۔

مزید پڑھیں: پاک انگلینڈ سیریز؛ نظرثانی شدہ شیڈول کا اعلان ہوگیا

لاہور میں کنکنشن کیمپ کے بعد ریڈ بال ٹیم کے ہیڈکوچ جیسن گلیسپی فیصل آباد میں پہنچ گئے ہیں، سلیکشن کمیٹی کے ارکان محمدیوسف اور اسد شفیق بھی پہلے سے وہاں چیمپئنز کپ میں قومی کھلاڑیوں کی پرفارمنس کا جائزہ لے رہے ہیں، سلیکشن کمیٹی کےنان ووٹنگ ممبرز بھی وہاں موجود ہیں۔

مزید پڑھیں: پاک انگلینڈ ٹیسٹ سیریز؛ انٹرنیشنل میڈیا رائٹس فروخت نہ ہوسکے

سلیکشن کمیٹی ارکان، کپتان اور ہیڈکوچ کے ساتھ مشاورت کے بعد ممکنہ کھلاڑیوں کی لسٹ کو فائنل کریں گے۔

چیمپئینز کپ کا فائنل اتوار کو شیڈول ہے، اس سے پہلے پی سی بی سربراہ کی منظوری کے ساتھ قومی اسکواڈ کا اعلان کردیا جائے گا۔

مزید پڑھیں: پاک انگلینڈ سیریز؛ بین اسٹوکس کھیلیں گے یا نہیں؟

پاکستان اور انگلینڈ کا پہلا ٹیسٹ 7 اکتوبر سے کھیلاجانا ہے، دوسرا ٹیسٹ 15 اکتوبر کو ملتان میں ہی ہوگا جبکہ تیسر اور آخری ٹیسٹ 24 اکتوبر کو راولپنڈی میں طے ہے۔