[ad_1]
لاہور: حکومت پنجاب اور صوبائی گورنر آمنے سامنے آگئے، گورنر کی سربراہی میں بنائی گئی پنجاب آب پاک اتھارٹی ختم کرنے کا فیصلہ کر لیا گیا۔
پنجاب آب پاک اتھارٹی ختم کرکے پنجاب صاف پانی اتھارٹی قائم کی جائے گی جس کی سربراہی صوبائی حکومت کے پاس ہوگی۔ نئی اتھارٹی میں گورنر پنجاب کا عمل دخل ختم کرکے تمام اختیارات حکومت پنجاب کے پاس ہوں گے۔
پنجاب آب پاک اتھارٹی کی گورننگ باڈی میں گورنر کے پرنسپل سیکریٹری بھی شامل تھے لیکن نئی پنجاب صاف پانی کمپنی میں گورنر کے پرنسپل سیکریٹری کا کردار ختم کر دیا گیا ہے۔
پنجاب آب پاک اتھارٹی کے پیٹرن اِن چیف گورنر تھے لیکن نئی بنائی گئی پنجاب صاف پانی اتھارٹی کے چیئرپرسن اور ممبران کا تقرر صوبائی حکومت کرے گی۔
[ad_2]
Source link
