منشیات خفیہ اطلاع پر کارروائی کرکے برآمد کی گئیں:فوٹو:فائل
اینٹی نارکوٹکس فورس ( اے این ایف) نے مٹھائی کے ڈبوں میں چھپائی منشیات 4 ممالک میں بھیجنے کی کوشش ناکام بنا دی۔
ترجمان اے این ایف کے مطابق اے این ایف نے خفیہ اطلاع پر کامیاب کارروائی کرتے ہوئے کراچی میں واقع کورئیر آفس میں برطانیہ ، سری لنکا ،ہانگ کانگ اور نیوزی لینڈ بھیجے جانیوالے حبشی حلوہ کے درجنوں ٹِنوں میں مہارت سے چھپائی گئی منشیات قبضے میں لے لی۔
برطانیہ کے شہر برمنگھم بھیجے جانے والے 40 میں سے 6 ٹِنوں میں چھپائی گئی 2.1 کلو ہیروئن ، سری لنکا کے دارالحکومت کولمبو بھیجے جانے والے 40 سے 4 ڈبوں سے 1.4 کلو ہیروئن اور ہانگ کانگ بھیجے جانے والے 40 میں سے 10 مٹھائی کے ڈبوں سے 3.6 کلو آئس برآمد کی گئی۔
