کراچی: شہر قائد میں معمول سے تیز ہوائیں چل پڑیں جس کے سبب موسم معتدل رہنے کی توقع ہے۔
محکمہ موسمیات کے مطابق شہر میں چند روز کے دوران سمندر کی جنوب مغربی اور مغربی سمت کی ہوائیں چل سکتی ہیں جبکہ ہواؤں کی رفتار 39.5 کلومیٹر فی گھنٹہ (22 ناٹیکل مائل) ریکارڈ ہو رہی ہیں۔
شہر کا زیادہ سے زیادہ درجہ حرارت 33 سے 35 ڈگری کے درمیان ریکارڈ ہوسکتا ہے۔
محکمہ موسمیات کا کہنا ہے کہ سندھ کے دیگر اضلاع میں موسم گرم و خشک رہنے کا امکان ہے۔
