[ad_1]
پشاور: وزیراعلیٰ خیبر پختونخوا علی امین گنڈاپور نے پشتون جرگے پر اسمبلی کو اعتماد میں لینے کا فیصلہ کر لیا، آج اسمبلی اجلاس میں مطالبات پر بات کریں گے۔
وزیراعلیٰ کے پی علی امین گنڈاپور کا کہنا تھا کہ اللہ تعالیٰ کی ذات کا مشکور ہوں کہ پختون جرگہ امن اور خیریت سے اختتام پذیر ہوا، بحیثیت میزبان میں نے انتہائی مختصر وقت میں بہترین سہولیات فراہم کرنے کی بھرپور کوشش کی۔
علی امین گنڈاپور نے کہا کہ تمام اقوام کے مشیران اور تمام پارٹیوں کے نمائندہ گان نے باہمی مشاورت کی، بحیثیت وزیراعلیٰ خیبر پختونخوا آئین اور قانون کے دائرہ کار میں رہتے ہوئے اِن تجاویز پر عمل درآمد یقینی بنانے کی بھرپور کوشش کروں گا۔
انہوں نے کہا کہ جو مطالبات صوبائی حکومت کے دائرہ کار میں نہیں ہیں اُن کو متعلقہ وفاقی حُکام کے سامنے اُٹھاوں گا، وفاق اور دیگر حکام کے ساتھ بیٹھ کر اِن مسائل کے حل کے لیے ہر ممکن کوشش کی جائے گی۔ حکومت اور ریاست کا فرض ہے کہ وہ عوامی اُمنگوں کو مدنظر رکھتے ہوئے مسائل کو حل کرکے اُن کو مطمئن کریں۔
وزیراعلیٰ کا کہنا تھا کہ اِن تمام اُمور پر صوبائی اسمبلی میں تفصیلی بات کروں گا، پوری اسمبلی کو کمیٹی کا درجہ دے کر مجھے اِس کا سربراہ بنایا گیا ہے، تمام حکومتی اور اپوزیشن پارٹیوں کے ممبران سے مشاورت کی جائے گی اور ان کی تجاویز کو زیر غور لایا جائے گا۔
[ad_2]
Source link
