[ad_1]
ممبئی: بھارت میں ایک ٹیکسی ڈرائیور کے اپنے مسافروں کے لیے چھ اصولوں نے انٹرنیٹ پر دھوم مچا دی ہے۔
ڈرائیور نے اپنی گاڑی میں اصول پرنٹ کرکے سیٹ پرر چسپاں کیے ہوئے ہیں جس میں گاہکوں سے شائستگی، احترام اور اچے رویے کا مطالبہ کیا گیا ہے۔
اصولوں میں مسافروں کو ڈرائیور کو بھیا یا بھائی کہہ کر مخاطب کرنے سے بھی منع کیا گیا ہے۔ مزید برآں ڈرائیور کو ٹیکسی کی رفتار بڑھانے کا بھی نہیں کہہ سکتے۔
ایک اور قاعدہ مسافروں پر زور دیتا ہے کہ ٹیکسی سے نکلتے وقت دروازہ آہستہ سے بند کریں۔
ڈرائیور کی مسافروں کو ایک اور سب سے سیدھی بات یہ ہے کہ وہ ٹیکسی کے مالک نہیں ہیں۔ نوٹ میں لکھا ہے کہ آپ ٹیکسی کے مالک نہیں ہیں، جو شخص ٹیکسی چلا رہا ہے وہ ٹیکسی کا مالک ہے۔
رویے کے بارے میں ڈرائیور کہتا ہے کہ اپنا رویہ اپنی جیب میں رکھیں، براہ کرم ہمیں یہ مت دکھائیں کیونکہ آپ ہمیں زیادہ پیسے نہیں دے رہے۔
یہ فہرست Reddit پر ایک صارف کے ذریعہ شیئر کی گئی جس نے ریمارکس دیئے کہ میں نے ایک ٹیکسی بک کرائی ہے اور ڈرائیور نے ٹیکسی پر کچھ رہنما اصول درج کیے ہوئے ہیں! آپ ان ہدایات کے بارے میں کیا سوچتے ہیں۔
[ad_2]
Source link
