[ad_1]
لندن: ریکارڈ شدہ انسانی تاریخ میں پہلی بار عالمی سطح پر پانی کی فراہمی انسانی سرگرمیوں اور موسمیاتی تبدیلیوں کی وجہ سے شدید متاثر ہورہی ہے۔
گلوبل کمیشن آن دی اکنامکس آف واٹر کی شائع کردہ ایک نئی رپورٹ کے مطابق عالمی رہنماؤں کے ایک گروپ اور ماہرین
نے رپورٹ میں کہا ہے کہ دنیا بھر میں کئی دہائیوں کی اجتماعی بدانتظامی نے میٹھے پانی اور زمینی ماحولیاتی نظام کو نقصان پہنچایا ہے اور پانی کے وسائل کو مسلسل آلودہ کیا ہے۔
ماہرین کا مزید کہنا ہے کہ ہم اپنے مستقبل کے لیے میٹھے پانی کی دستیابی پر مکمل پُراعتمادی کا اظہار نہیں کر سکتے۔
کمیشن کے شریک چیئرمین اور مصنفین میں سے ایک جوہان راکسٹروم نے کہا کہ انسانی تاریخ میں پہلی بار ہم عالمی سطح پر پانی کی متناسب فراہمی (water cycle) کو توازن سے باہر دھکیل رہے ہیں۔ بارش جو کہ تمام میٹھے پانی کا منبع ہے، پر مکمل انحصار نہیں کیا جا سکتا۔
واضح رہے کہ واٹر سائیکل وہ قدرتی عمل ہے جس کے ذریعے پانی زمین اور ماحول کے درمیان حرکت کرتا ہے جو کرہ ارض پر زندگی کے لیے ضروری ہے۔ اس میں زمین اور دیگر اجسام سے پانی کا بخارات بننا، بادلوں کی شکل اختیار کرنا اور بالآخر بارش یا برف کے طور پر زمین پر گرنا شامل ہے۔ تاہم اس نازک توازن میں خلل پہلے ہی پوری دنیا میں محسوس کیا جا رہا ہے۔
[ad_2]
Source link
